ڪراچي (عوامي آواز نيوز+رپورٽر) ثقافت واري وزير سيد ذوالفقار علي شاهه چيو آهي ته صنم ماروي ۽ احمد شاهه وچ ۾ ٿيل معاملي جي کين سوشل ميڊيا ذريعي خبر پئي ۽ هن صنم ماروي ۽ پوءِ احمد شاهه سان به رابطو ڪيو آهي. صنم ماروي مقبول فنڪارا آهي ۽ اسان جي ڀيڻ آهي. 14 تاريخ تي ٻنهي کي ويهاريو ويندو ۽ سنڌ جي روايتن موجب معاملي کي حل ڪيو ويندو. نجي ٽي وي جي صحافي کي سوالن جا جواب ڏيندي هن ٻڌايو ته احمد شاهه کي چونداسين ته صنم ماروي کي چادر اوڍائي ٻئي پاسي عوامي آواز پاران احمد شاهه سان موقف لاءِ رابطو ڪيو ويو.
