اسلام آباد(عوامي آواز نيوز) صدر مملڪت آصف علي زرداري اڄ 70 ورهين جو ٿي ويو آهي، سندس 70 هين سالگرهه ملهائي پئي وڃي، سالگرهه جي موقعي تي پ پ پاران تقريبون رٿيون ويون آهن، سنڌ ۽ پنجاب ۾ تقريبون ڪوٺائي سالگرهه جو ڪيڪ ڪٽڻ ۽ صدر جي صحت ۽ تندرستي جي دعائون گهريون وينديون، پ پ ڏکڻ پنجاب اعلان ڪيو آهي ته 26 جولاءِ 2025 تي صدر آصف علي زرداري جي 70هين سالگرهه جو پرجوش جشن ملتان سميت ٻين شهرن ۾ منعقد ڪيو ويندو، لاهور ۾ به پ پ سينٽرل پنجاب پاران فلٽيز هوٽل ۾ سيمينار رکيو ويو، جنهن جي صدارت اڳوڻو وزير اعظم راجا پرويز اشرف ڪندو ۽ تقريب ۾ صدر جو سالگرهه ڪيڪ ڪٽيو ويندو، ٻي پاسي قادر پٽيل صدر زرداري کي سالگرهه جون مبارڪون ڏيندي چيو آهي ته صدر زرداري جي قيادت هميشه ملڪ ۽ قوم لاءِ رهنمائي جو ذريعو آهي، سندس سياسي بصيرت ساراهه جوڳي آهي، صدر زرداري جي قيادت ۾ پاڪستان اهم مرحلا طئي ڪيا آهن.
