ڪراچي (ويب ڊيسڪ) سينيئر صوبائي وزير شرجيل انعام ميمڻ چيو آهي ته پاڪستان ڀارت کي جنگ ۾ عبرتناڪ شڪست ڏني، پر پاڪستان امن چاهي ٿو.
وفاقي چيمبر آف ڪامرس ۾ تقريب کي خطاب ڪندي هن چيو ته هاڻي پرڏيهه ۾ ماڻهو پاڪستاني گرين پاسپورٽ ڏسي واکاڻ ڪن ٿا ۽ پاڪستاني پاسپورٽ سان سڄي دنيا گهمڻ جو مزو ايندو.
شرجيل انعام ميمڻ وڌيڪ چيو ته پاڪستان جي ٽنهي فوجن، سمورن سياسي جماعتن ۽ قوم هڪ ٿي دشمن جو مقابلو ڪيو آهي.
