ڪراچي (ويب ڊيسڪ) سنڌ اسيمبليءَ ۾ شڪراني جي ڏهاڙي جي موقعي تي پاڪ فوج کي ڀيٽا پيش ڪرڻ لاءِ ٺهراءُ پيش ڪيو ويو.
صحت واري صوبائي وزير ڊاڪٽر عذرا فضل پيچوهو اسيمبليءَ ۾ ٺهراءُ پيش ڪندي چيو ته “آپريشن بنيان مرصوص” جي ڪاميابي سان پاڪستان جي تاريخ ۾ هڪ نئون سنهرو باب شامل ٿيو آهي، جنهن تي اسان پنهنجي بهادر فوجن کي ڀيٽا پيش ڪريون ٿا.
ٺهراءَ ۾ چيو ويو آهي ته زميني، سامونڊي ۽ هوائي فوج جي ڀرپور ڪارروائيءَ سان دشمن کي نه رڳو منهن ٽوڙ جواب ڏنو ويو، پر ڀارت کي تاريخي شڪست پڻ ملي.
