اسلام آباد (ويب ڊيسڪ) ڀارت طرفان لائن آف ڪنٽرول تي سيز فائر جي ڀڃڪڙي ڪئي وئي، جنهن تي پاڪ فوج فوري طور ڪارروائي ڪندي منهن ٽوڙ جواب ڏنو ۽ دشمن جا ڪيترائي مورچا تباهه ڪري ڇڏيا.
سيڪيورٽي ذريعن موجب پهلگام فالس فليگ کانپوءِ ڀارت طرفان مسلسل جارحاڻا قدم کنيا پيا وڃن، ان ئي دوران 29 ۽ 30 اپريل جي وچين رات لائن آف ڪنٽرول تي بنا سبب فائرنگ ڪئي وئي.
ذريعن جو چوڻ آهي ته ڀارت طرفان لائن آف ڪنٽرول جي ڪياني ۽ منڊل سيڪٽرن ۾ بنا سبب فائرنگ ڪئي وئي، جنهن ۾ ننڍن هٿيارن جو استعمال ڪيو ويو.
پاڪ فوج ڀرپور جوابي ڪارروائي ڪندي ڀارتي فوج کي منهن ٽوڙ جواب ڏنو، پاڪ فوج جي ڀرپور جواب دشمن کي خاموش ڪرائي ڇڏيو.
