ھيوسٽن(پ ر)قومي عوامي تحريڪ جي سربراھ اياز لطيف پليجي آمريڪا جي شهر هيوسٽن ۾ شاھ لطيف ڪانفرنس کي خطاب ڪندي چيو آهي ته سنڌ ۾ ڏڪار جي صورتحال آهي، سنڌ کي سمنڊ جي حوالي ڪيو پيو وڃي نوان ڪينال ٺاھڻ سنڌ جو مستقبل داءُ تي لڳائڻ آهي سنڌو درياھ جو رستو بند ڪري عوام جي اتحاد سان کيڏڻ نه گهرجي هن چيو ته سنڌو درياءَ مان 6 نوان ڪئنال ڪڍڻ سنڌين جي نسل ڪشي جي گھڻ رُخي حڪمت عملي جي سوچيل سمجھيل مرحليوار قدم آهي.سنڌو درياءَ مان ڪينال ڪڍڻ سان سنڌ کي رڻ پٽ ۽ بيابان ۾ تبديل ڪري سنڌ جي عوام کي پاڻي لاءِ تڙپائي مارڻ جو منصوبو جوڙيو ويو آهي درياءُ مان زبردستي ڪئنال ڪڍڻ سان سنڌو درياءُ سوڪهڙي جو شڪار ٿي ويندو،هن چيو ته شاھ لطيف امن، محبت ۽ جدوجهد جو پيغام ڏنو، اسين ان تي قائم آهيون شاھ لطيف جي ڌرتي جو حقيقي حسن امن، پيار ۽ ڀائيچاري آهي هن چيو ته پاڪستان امن چاهي ٿو ۽ سڄي دنيا جي ماڻهن سان گڏ هلڻ چاهي ٿو اسان کي انتهاپسندي کي شڪست ڏئي دنيا سان گڏ هلڻو پوندو. اياز لطيف پليجي چيو ته ڇا سنڌ کي ڪرپشن، بيروزگاري ۽ لاقانونيت کان پاڪ علائقو بڻايو ويو آهي پاڪستان جي ترقي لاءِ دهشتگردي، تعصب ۽ ڪرپشن جو خاتمو لازمي آهي. ملڪ کي جاگيرداري نظام، انتهاپسندي ۽ وڏيرا شاهي کان آزاد ڪرائڻو پوندو .
