اوٽاوا (م ڊ) ڪينيڊين سڪيورٽي انٽيلجنس سروس جي آپريشنز بابت ڊپٽي ڊائريڪٽر ونيسا لائيڊ خبردار ڪيو آهي ته 28 اپريل تي چونڊون ٿي رهيون آهن ۽ چين ۽ ڀارت چونڊن ۾ مداخلت جي ڪوشش ڪري سگهن ٿا جڏهن ته روس ۽ پاڪستان به امڪاني خطرو آهن. هن ميڊيا ڪانفرنس ۾ چيو ته چين اي آءِ ذريعي ائين ڪندو جڏهن ته ڀارت به اها صلاحيت رکي ٿو، اهڙيون سرگرميون عوام جي جمهوري ادارن تي اعتماد کي نقصان پهچائي سگهن ٿيون. خيال رهي ته اهڙا الزام چين ۽ ڀارت سان گڏ ڪينيڊا جي اڳ ئي ڇڪتاڻ هيٺ لاڳاپن کي وڌيڪ خراب ڪري سگهن ٿا.
