اسلام آباد (ويب ڊيسڪ) اڳوڻي وزيراعظم ذوالفقار علي ڀٽو کي لاڏاڻي کانپوءِ نشان پاڪستان سان نوازيو ويو.
ايوان صدر ۾ اعليٰ ترين سول اعزاز ڏيڻ جي تقريب ۾ ذوالفقار علي ڀٽو جي ڌيءُ صنم ڀٽو ايوارڊ وصول ڪيو، ان موقعي تي آصفه ڀٽو زرداري به موجود هئي.
ايوارڊ وصول ڪندي صنم ڀٽو جذباتي ٿي وئي ۽ سندس اکيون ڀرجي آيون، ان موقعي تي ايوان صدر ”جيئي ڀٽو ۽ زندهه هي ڀٽو“ جي نعرن سان گونجي پيو.
تقريب ۾ زندگي جي مختلف شعبن ۾ خدمتون انجام ڏيندڙ ماڻهن کي سول اعزازن سان نوازيو ويو.
