ڪراچي( ع آ نيوز) شاگردن تي تشدد ناليواري راڳي سيف سميجي چيو ته جيئن سنڌ ۾ پرامن شاگردن تي حملا ٿي رهيا آهن، ان مان صاف ظاهر آهي ته هي سائو پاڪستان نٿا چاهين، پر ڳاڙھو پاڪستان بڻائڻ گهرن ٿا. مان سخت لفظن ۾ پوليس جي ظلمن، بيگناهه شاگردن تي تشدد ۽ انهن جي گرفتارين جي مذمت ڪريان ٿو، جيڪي رڳو سنڌو (Indus River) بابت شعور ڦهلائڻ لاءِ روڊن تي نڪتا آهن. هڪ سمجھدار رياست پنهنجن ماڻهن جون ڳالهيون ٻڌندي آهي، نه ته انهن جا آواز دٻائيندي آهي. هي عمل انتهائي شرمناڪ ۽ خطرناڪ آهي ته جن کي توهان ماڻهو ئي نه ٿا سمجهو، انهن تي تشدد ڪري، انھن کي بدنام ڪيو، پوءِ انهن خلاف ڪوڙيون ڪهاڻيون ٺاهي کين “رياست دشمن” قرار ڏيو. مان ذاتي طرح اهڙي ظلمن مان گذري چڪو آهيان، ۽ ڄاڻان ٿو ته هي نظام ڪيئن هلي ٿو. ليکڪ ۽ دانشور نصير ميمڻ لکي ٿو سنڌ سرڪار تڪراري واهن جي سچ پچ به مخالف هجي ها ته انهن جي خلاف احتجاج ڪندڙن تي تشدد نه ڪري ها، اِهو عمل واهن جي حمايت برابر آهي. عوام کي احتجاج کان روڪڻ مارشل لائي رواييت آهي
