لاهور (ويب ڊيسڪ) آءِ سي سي چيمپيئنز ٽرافي جي تيارين آسٽريلوي ڪرڪيٽ ٽيم جي رانديگرن جون تياريون عروج تي آهن.
آسٽريلوي ٽيم اڄلڪلهه پنجاب جي راڄڌاني لاهور ۾ موجود آهي جتي رانديگر ٽورنامينٽ ۾ پنهنجي پهرين ميچ کان اڳ سخت ٽريننگ سيشن ڪيو.
ان موقعي تي رانديگرن ميڊيا سان ڳالهائيندي چيو ته هتي سيڪيورٽي جا سخت انتظام آهن، رانديگرن کي مني بسز ۾ وٺي ويا ۽ پورو شهر بند ڪيو ويو.
هنن چيو ته هوٽل جي چوڌاري به سيڪيورٽي سخت ڪئي وئي آهي، اسان هڪ ٻئي جو خيال رکون ٿا ۽ گڏ وقت گذاريون ٿا، هتي اسان جي ٽريننگ سٺي ٿي آهي ۽ سڀ ڪجهه حڪمت عملي تحت ٿي رهيو آهي.
