واهپيدار تمام جلد گوگل ميسيجز سان واٽس ايپ وڊيوز ڪالنگ فيچر جو استعمال ڪري سگهندا.
گوگل ميسيجز واٽس ايپ سان ملي هڪ اهڙي فيچر تي ڪم ڪري رهيو آهي جيڪو واهپيدارن کي ايندڙ وقت ۾ گوگل ميسيجز انٽرفيس سان سڌو سنئون واٽس ايپ وڊيوز ڪال ڪرڻ جي قابل بڻائيندو.
جيڪڏهن ميسيج موڪلڻ واري ۽ وصول ڪندڙ ٻنهي وٽ واٽس ايپ انسٽال آهي ته مٿي سڄي مينو ۾ هڪ نئون وڊيو ڪال آئيڪن ظاهر ٿيندو. ان آئيڪن تي ٽيپ ڪرڻ سان فوري طور تي واٽس ايپ وڊيو ڪال شروع ٿي ويندي.
في الحال هي ڪالنگ فيچر ون آن ون چيٽس تائين محدود آهي. وڌيڪ ته گروپ چيٽس جي لاءِ يا جڏهن توهان جنهن شخص سان چيٽ ڪري رهيا آهيو ان وٽ واٽس ايپ نه آهي، ته گوگل ميسيجز ۾ وڊيو ڪال جو آپشن گوگل ميٽ تي ڊيفالٽ ٿيندو،
اميد ڪئي پئي وڃي ته واهپيدارن وٽ تمام جلد وڊيو ڪالز جي لاءِ واٽس ايپ يا گوگل ميٽ جي وچ ۾ چونڊ هوندي ته هو ڪنهن به هڪ کي انسٽال ڪن.
جيتوڻيڪ لانچ جي تاريخ اڃا تائين واضح ناهي ٿي پر فيچر فعال تياري جي مرحلي ۾ آهي ۽ ايندڙ هفتن ۾ ان جي متعارف ٿيڻ جي اميد آهي.
