ميلبورن (ويب ڊيسڪ) آسٽريليا آءِ سي سي چيمپيئنز ٽرافي 2025ع لاءِ شروعاتي 15 رڪني اسڪواڊ جو اعلان ڪري ڇڏيو .
اڻويهين فيبروري کان پاڪستان ۽ گڏيل عرب امارتن ۾ شروع ٿيندڙ چيمپيئنز ٽرافي ۾ آسٽريلوي ٽيم جي قيادت پيٽ ڪمنز ڪندو.
تجربيڪار بيٽر ٽريوس هيڊ ۽ آل رائونڊر مارڪس اسٽوئنس جي ڪينگرو ٽيم ۾ واپسي ٿي آهي.
چيمپيئنز ٽرافي لاءِ آسٽريليا جي اسڪواڊ ۾ ڪپتان پيٽ ڪمنز، اليڪس ڪيري، نٿن ايليس، ايئرن هارڊي، جوش هيزل ووڊ، ٽريوس هيڊ، جوش انگلس، مارنس لبوشين ۽ مچل مارش شامل آهن.
ان کان سواءِ گلين ميڪسويل، ميٿيو شارٽ، اسٽيون سمٿ، مارڪس اسٽوئنس ۽ ايڊم زمپا کي به 15 رڪني اسڪواڊ اسڪواڊ جو حصو بڻايو ويو آهي.
واضح رهي ته ميگا ايونٽ لاءِ اعلانيل پندرنهن رڪني اسڪواڊ سريلنڪا خلاف ون ڊي سيريز پڻ کيڏندو.
