ڪراچي (ويب ڊيسڪ) پاڪستاني ٽيم جي نوجوان اوپنر صائم ايوب جي انجري سينيئر بيٽر فخر زمان جي واپسي جا دڳ کوليا ڇڏيا.
ڪيپ ٽائون جي نيو لينڊز ڪرڪيٽ اسٽيڊيم ۾ ڏکڻ آفريڪا خلاف ٻي ٽيسٽ ميچ جي پهرئين ڏينهن فِيلڊنگ دوران صائم جو پير مُڙي ويو هو جنهن کانپوءِ کيس اسپتال منتقل ڪيو ويو هو.
پر هاڻي صائم ايوب جي ايم آر آءِ رپورٽ ۾ فريڪچر جي تصديق ٿي آهي جنهن بعد ڊاڪٽرن کيس 6 هفتا آرام ڪرڻ جو مشورو ڏنو آهي.
ذريعن جو چوڻ آهي ته صائم ايوب ٽيم سان گڏ رهندو ۽ ٽيسٽ سيريز ختم ٿيڻ کانپوءِ ٽيم سان گڏ ئي وطن واپس ايندو.
صائم ايوب جي انجري اوپنر فخر زمان جي ٽيم ۾ واپسي ٿي سگهي ٿي ڇو ته چيمپيئنز ٽرافي کان اڳ نوجوان ڪرڪيٽر جي انجري ٽورنامنيٽ ۾ سندس شرڪت کي شڪي بڻائي ڇڏيو آهي.
صائم ايوب ٽنهي فارميٽ ۾ اوپنر طور پاڪستان جي پهرئين ترجيح هو پر سندس اوچتو انجري سبب قومي ٽيم کي وڏو جهٽڪو ڏنو آهي، اوپنر عبدالله شفيق به خراب فارم سبب اسڪواڊ کان ٻاهر آهي.
ياد رهي ته چيمپيئنز ٽرافي 2025ع جا مقابلا 19 فيبروري کان ڪراچي ۾ شروع ٿيندا.
