لاهور ( ويب ڊيسڪ ) پاڪستان ڪرڪيٽ بورڊ ( پي سي بي ) ۾ ٽيسٽ پاس نه ڪندڙ تجزئي نگار ( اينالسٽ ) فارغ ڪري ڇڏيا.
ذريعن موجب، پي سي بي چيئرمين محسن نقوي جي هدايت تي اينالسٽ جي اسڪروٽني ڪئي وئي، ڊيٽا ۽ وڊيو اينالسٽس جي ڪارڪردگي جي ڇنڊڇاڻ لاءِ ڪميٽي جوڙي وئي هئي.
ذريعن جو چوڻ آهي ته ڪميٽي ڊيٽا ۽ وڊيو اينالسٽس جي مختلف معاملن تي امتحان ورتو، 26 مان 11 تجزئي نگار ٽيسٽ ۾ ناڪام رهيا.
ذريعن موجب، 11 اينالسٽس کي فوري طور پي سي بي طرفان برطرف ڪيو ويو آهي جڏهن ته 15 اينالسٽس کي هاڻي مختلف ٽيمن سان گڏ لڳايو ويو آهي.
