لاهور (ويب ڊيسڪ) ن ليگ ۽ پ پ وچ ۾ پاور شيئرنگ جي معاملي تي اهم اجلاس ٿيو، جنهن ۾ حڪومتي اتحاد جي لکت معاهدي تي مشاورت ڪئي وئي.
ذريعن موجب اجلاس ۾ معاهدي جي باقي نڪتن تي مرحلي وار عملدرآمد ڪرڻ تي اتفاق ٿيو، ڪجهه نڪتن تي عملدرآمد فوري طور ۽ باقي نڪتن تي ٽائم فريم ڏيڻ تي اتفاق ٿيو.
ذريعن جو چوڻ آهي ته ن ليگ قانون سازي، بجيٽ ۽ پاليسين تي عمل کان اڳ پ پ کي اعتماد ۾ وٺڻ تي اتفاق ڪيو، ملڪ جي استحڪام لاءِ ٻنهي جماعتن جو گڏجي هلڻ تي اتفاق ٿيو.
ذريعن موجب اجلاس ۾ طئي ٿيو ته پ پ پنجاب جي جن ضلعن ۾ ڪامياب ٿي، اتي ان جي مرضي جا آفيسر مقرر ٿيندا، پنجاب ۾ پ پ کي ن ليگ ميمبرن جي برابر ترقياتي فنڊ ڏيڻ تي اتفاق ٿيو.
ذريعن جو چوڻ آهي ته ٻنهي جماعتن جا اڳواڻ اجلاس جي رپورٽ مرڪزي قيادت کي پيش ڪندا.
