اسلام آباد(م ڊ)تجزئي نگار حامد مير چيو آهي ته حسينه واجد جمهوري حڪمران بدران ڊڪٽيٽر طور حڪمراني ڪري رهي هئي، هن هزارن جي انگ ۾ سياسي ڪارڪنن ۽ مخالفن کي گرفتار ڪيو هو،هن تمام گهڻيون پابنديون هنيون هيون اها ڳالهه درست آهي ته هن جي دور ۾ بنگلاديش گهڻي ترقي ڪئي هئي، پر جهڙي طريقي سان هو ڀارت فرار ٿي آهي ان ۾ سڀني لاءِ هڪ سبق آهي ته معاشي ترقي سڀ ڪجهه ناهي هوندي،هن چيو ته عوام تي پابنديون لڳن، سياسي آزاديون سلب ٿين ته ماڻهو پوءِ بغاوت تي لهي ايندا آهن،شيخ حسينه جو جماعت اسلامي تي پابندي وارو فيصلو به ڪارگر ثابت نه ٿيو، نئين سيٽ اپ ۾ جماعت اسلامي تي پابندي ختم نٿي ٿئي ته پوءِ اهو سمجهيو ويندو ته بنگلاديش جي فوج اڃا به ڀارت جي ڪنٽرول ۾ آهي،
