پشاور (ويب ڊيسڪ) ٽانڪ واقعي تي پشاور هاءِ ڪورٽ جي رجسٽرار جي سربراهي ۾ ڪاميٽي ٺاهڻ جو فيصلو ڪيو ويوآهي.
چيف جسٽس پشاور هاءِ ڪورٽ جسٽس اشتياق ابراهيم جي صدارت هيٺ اجلاس ٿيو جنهن ۾ چيف سيڪريٽري ۽ آءِ جي پوليس سميت ٻيا موجود هئا.
اجلاس ۾ججز تي حملي واري واقعي تي غور ڪيو ويو ۽ پوليس آفيسرن واقعي بابت بريفنگ ڏني.
چيف جسٽس هدايت ڪئي ته ججز کي فل پروف سيڪيورٽي فراهم ڪئي وڃي. اجلاس ۾ پشاور هاءِ ڪورٽ جي رجسٽرار جي سربراهي ۾ ڪاميٽي ٺاهڻ جو فيصلو ڪيو ويو.
ڪاميٽي ججز جي سيڪيورٽي لاءِ اثرائتن اپائن تي عور ڪندي. اجلاس ۾ شهيدن جي پونئرن لاءِ 40 لک رپين جو اعلان به ڪيو ويو.
