ڪراچي ( ويب ڊيسڪ ) قومي ڪرڪيٽ ٽيم ۾ چئن ورهين بعد واپسي ڪندڙ فاسٽ بالر محمد عامر هڪ هفتي ۾ ٽي ٽوئنٽي ليگز کيڏي ورتيون.
ٽي ٽوئنٽي ورلڊ ڪپ کانپوءِ فاسٽ بالر محمد عامر ٽي ٽوئنٽي بلاسٽ ۾ ڊربي شائر فالڪنز لاءِ پنج ميچون کيڏيون، وري انگلينڊ ۾ دي هنڊريڊ لاءِ برمنگهم فينڪس جي نمائندگي ڪئي.
انکانسواءِ آمريڪا جي ميجر ليگ ۾ به محمد عامر هڪ ميچ کيڏي ورتي، جنهن ۾ هن رڳو ٻه اوور هلايا.
دي هنڊريڊ جي هڪ ميچ جو معاهدو مڪمل ڪرڻ کانپوءِ محمد عامر وينڪور نائٽس ۾ شموليت اختيار ڪندي گلوبل ٽي ٽوئنٽي ليگ لاءِ ڪئناڊا ۾ موجود آهي.
ٻئي پاسي پاڪستان ڪرڪيٽ بورڊ محمد رضوان، بابر اعظم سميت ٻين ڪرڪيٽرن کي گلوبل ٽي ٽوئنٽي ليگ لاءِ اين او سي ڏيڻ کان انڪار ڪري ڇڏيو آهي.
