عوامي نيشنل پارٽي ( اي اين پي ) وفاقي حڪومت طرفان پاڪستان تحريڪِ انصاف تي پابندي لڳائڻ وارو فيصلو ٻاراڻو ۽ غير دانشمنداڻو قرار ڏئي ڇڏيو.
اي اين پي جي مرڪزي ترجمان انجينيئر احسان الله خان موجب، وفاقي حڪومت جو پي ٽي آءِ تي پابندي لڳائڻ جو فيصلو ٻاراڻو ۽ غيردانشمنداڻو آهي.
ترجمان چيو ته سياسي پارٽين جو رستو پابندين ۽ رنڊڪن ذريعي بند نه ٿو ڪري سگهجي، تحريڪِ انصاف سان سياسي اختلاف پنهنجي جاءِ تي پر حڪومت جو اِهو قدم بيوقوفي هوندي.
