اسلام آباد (ويب ڊيسڪ) اليڪشن ڪميشن آف پاڪستان جي سيڪريٽري سيد آصف حسين استعيفيٰ ڏئي ڇڏي، جنهن کانپوءِ اليڪشن ڪميشن عمر حميد کي ٻيهر اليڪشن ڪميشن سيڪريٽري مقرر ڪري ڇڏيو.
اليڪشن ڪميشن سيد آصف حسين جي استعيفيٰ جي منظوري جو نوٽيفڪيشن جاري ڪري ڇڏيو.
واضح رهي ته عمر حميد طبعيت ۾ ناسازي جي بنياد تي 5 جنوري تي استعيفيٰ ڏني هئي.
ذريعن جو چوڻ آهي ته عمر حميد کي اڳوڻي رڪارڊ تي ٻيهر اليڪشن ڪميشن سيڪريٽري مقرر ڪيو ويو آهي.
