لاهور (ويب ڊيسڪ) پاڪستان ڪرڪيٽ بورڊ وڪيٽ ڪيپر بيٽر محمد رضوان کي قومي ٽي ٽوئنٽي ٽيم جو نائب ڪپتان مقرر ڪري ڇڏيو.
محمد رضوان نيوزيلينڊ خلاف 5 ميچن جي سيريز ۾ نائب ڪپتان طور فرض انجام ڏيندو.
پاڪستان ۽ نيوزيلينڊ وچ ۾ ٽي ٽوئنٽي سيريز 12 جنوري کان شروع ٿيندي، آسٽريليا ۾ ٽيسٽ سيريز کيڏندڙ قومي ٽيم جا رانديگر نيوزيلينڊ پهچي ويا آهن.
واضح رهي ته ان کان اڳ شاداب خان قومي ٽيم جو نائب ڪپتان هو ۽ بابر اعظم جي جاءِ تي پاڪستان ڪرڪيٽ بورڊ شاهين آفريدي کي ٽي ٽوئنٽي ٽيم جو ڪپتان مقرر ڪيو آهي.
