پشاور(ويب ڊيسڪ)تحريڪ انصاف خيبرپختونخوا جي ترجمان شوڪت يوسفزئي چيو آهي ته حڪومت ڳالهين ۾ رنڊڪ وجهي مايوس ڪيو، هاڻي حالتون خراب ٿيون ته ذميوار حڪومت هوندي.
شوڪت يوسفزئي چيو ته ملڪ کي دهشتگردي ۽ معاشي ڏکيائين مان ڪڍڻ لاءِ حڪومت کي لچڪ ڏيکارڻ گهرجي ها، پر ضد ۽ انا سان ملڪ نٿا هلائي سگهجن. هن چيو ته خيبرپختونخوا ۾ هنگامي حالت يا گورنر راڄ لاڳو ڪرڻ سان حالتون وڌيڪ خراب ٿينديون.
هن چيو ته تحريڪ انصاف جا مطالبا آئيني ۽ قانوني آهن، باني پي ٽي آءِ سان ملاقات جي اجازت ڏني وڃي ۽ دهشتگردي جي خاتمي لاءِ صوبائي حڪومت سان گڏجي حڪمت عملي جوڙي وڃي.
شوڪت يوسفزئي چيو ته تحريڪ انصاف جو ڊگهو مارچ اڄ کان شروع ٿيندو ۽ مطالبا منظور ٿيڻ تائين جاري رهندو.
