ڪراچي(ويب ڊيسڪ)وفاقي وزير مصطفيٰ ڪمال سنڌ ۾ نوان صوبا ٺاهڻ واري مخالفت تي تَپي باهه ٿي ويو.
ايم ڪيو ايم پاڪستان اڳواڻ هڪ جلسي ۾ ڪارڪنن کي خطاب ڪندي سنڌ ۾ نوان صوبا ٺاهڻ جي مخالفت ڪندڙن تي ڇوهه ڇنڊيندو رهيو ۽ نئين انتظامي يونٽن جي قيام جي ڳالهه ڪندو رهيو.
مصطفيٰ ڪمال چيو ته اها جيڪو دماغ ۾ ڀوت اَٿوَ ته سنڌ آدم عليه السلام کان به اڳ ۾ هئي، اهو ڪڍي ڇڏيو.
وفاقي وزير سنڌي قوم تي ڇوهه ڇنڊيندي چيو ته توبهه نعوذب الله، آدم عليه السلام کان اڳ سنڌ هئي وارو دماغي وهم نڪرڻ گهرجي.
