گڏيل عرب امارتن جي نيشنل ايمرجنسي، ڪرائسس اينڊ ڊزاسٽر مئنيجمينٽ اٿارٽي چيو آهي ته ملڪ ۾ صورتحال مڪمل طور تي مستحڪم آهي ۽ ڪنهن به قسم جي ڳڻتي جوڳي صورتحال موجود ناهي.
اداري موجب نگراني ۽ هنگامي نظام هر وقت فعال آهي.
بيان ۾ چيو ويو ته ميزائل گڏيل عرب امارات جي سرحدن کان ٻاهر ئي روڪي ڇڏيا ويا، جڏهن ته احتياطي الرٽ عوام جي حفاظت لاءِ جاري ڪيا ويا آهن. شهرين کي رڳو سرڪاري ذريعن تان جاري ٿيل ڄاڻ تي ڀروسو ڪرڻ جي هدايت ڪئي وئي آهي.
