گوادر نيو انٽرنيشنل ايئرپورٽ تي سائوٿ ايئر جي پهرين آزمائشي اڏام ڪاميابي سان لينڊ ڪري ورتو.
گوادر ايئرپورٽ جي انتظاميا ۽ لاڳاپيل ادارن جي نمائندن سائوٿ ايئر جي پهرين آزمائشي اڏام جو ڀرپور استقبال ڪيو.
هن ڪامياب لينڊنگ کي گوادر جي هوائي رابطن ۽ واپاري سرگرمين جي واڌاري لاءِ هڪ اهم اڳڀرائي قرار ڏنو پيو وڃي.
هن آزمائشي اڏام کان پوءِ گوادر مان ملڪي ۽ عالمي اڏامن جي باقاعدا شروعات لاءِ رستو هموار ٿيندو.
ٻئي پاسي گوادر ايئرپورٽ جي مڪمل طور تي فعال ٿيڻ کي ملڪي معيشت جي بحالي ۽ ترقي لاءِ هڪ اهم محرڪ سمجهيو پيو وڃي، جيڪو واپار، سيڙپڪاري ۽ سفري سهولتن ۾ واڌ جو سبب بڻجي سگهي ٿو.
