لنڊن (ويب ڊيسڪ) برطانيا به پنهنجو جنگي سامونڊي جهاز وچ اوڀر موڪلڻ جو اعلان ڪري ڇڏيو آهي.
برطانيا آبناءِ هرمز ۾ بحري جهازن جي تحفظ لاءِ امڪاني بين الاقوامي مشن کان اڳ پنهنجو هڪ ڊسٽرائر جنگي جهاز وچ اوڀر موڪلڻ جو اعلان ڪيو آهي.
پرڏيهي ميڊيا رپورٽن موجب، برطانوي بچاءُ واري وزارت جي ترجمان چيو آهي ته ”ايڇ ايم ايس ڊريگن“جي اڳواٽ مقرري احتياطي منصوبابندي جو حصو آهي ته جيئن برطانيا مناسب حالتن ۾ آبناءِ هرمز کي محفوظ بڻائڻ لاءِ تيار رهي.
ترجمان وڌيڪ چيو ته هي امڪاني مشن برطانيا ۽ فرانس جي گڏيل قيادت ۾ قائم ٿيندڙ گهڻ ملڪي اتحاد جي تحت انجام ڏنو ويندو.
