واشنگٽن (ويب ڊيسڪ) آمريڪي صدر ڊونلڊ ٽرمپ چيو آهي ته سڄي دنيا مان خالي آئل ٽينڪر وڏي انگ ۾ آمريڪا جو رخ ڪري رهيا آهن ته جيئن هتان عالمي معيار جو تيل ۽ گيس حاصل ڪري سگهن.
پنهنجي سوشل ميڊيا پليٽ فارم ٽرٿ سوشل تي جاري ڪيل بيان ۾ ڊونلڊ ٽرمپ چيو ته مختلف ملڪن سان واسطو رکندڙ ديوهيڪل بحري جهاز هن وقت آمريڪي بندرگاهن ڏانهن وڌي رهيا آهن، جن جو مقصد هتان اعليٰ معيار جون پيٽروليم شيون ۽ گيس جي لوڊنگ ڪرڻ آهي.
هن چيو ته آمريڪا وٽ موجود تيل جا ذخيرا ڪاٿي ۽ معيار جي لحاظ سان دنيا جي ايندڙ ٻن وڏين معيشتن جي مجموعي ذخيرن کان به وڌيڪ آهن، آمريڪي توانائي نه رڳو وڏي مقدار ۾ موجود آهي پر معيار جي لحاظ سان به دنيا ۾ سڀ کان مٿي آهي.
