واشنگٽن (ويب ڊيسڪ) آمريڪي صدر ڊونلڊ ٽرمپ هڪ ڀيرو ٻيهر ڌمڪي ڏيندي چيو آهي ته اڄ رات هڪ سڄي تهذيب ختم ٿي ويندي، رتوڇاڻ، بدعنواني ۽ موتن جي 47 سالن جي تاريخ ختم ٿي رهي آهي.
پنهنجي سوشل ميڊيا پليٽ فارم ٽرٿ سوشل تي هڪ پوسٽ ۾ ٽرمپ لکيو ته اڄ رات هڪ سڄي تهذيب ختم ٿي ويندي، جنهن کي ٻيهر ڪڏهن واپس نٿو آڻي سگهجي.
هن چيو ته مان نٿو چاهيان ائين ٿئي پر ائين ٿي ويندو، اڄ جڏهن اسان مڪمل رجيم تبديل ڪري ڇڏي آهي، جتي مختلف، وڌيڪ ذهين ۽ گهٽ انتها پسند سوچ رکندڙ ماڻهو غالب هوندا ته شايد ڪو انقلابي ۽ شاندار ڳالهه ٿي وڃي.
سندس چوڻ هو ته اهو دنيا جي ڊگهي تاريخ جي سڀ کان اهم لمحن مان هڪ ٿي سگهي ٿو، ايران جي عظيم عوام تي خدا جي رحمت هجي!
