انقرا (ويب ڊيسڪ) ترڪيه جي فضائيا جو هڪ ايف 16 جنگي جهاز حادثي جو شڪار ٿيڻ سبب پائلٽ فوت ٿي ويو.
پرڏيهي ميڊيا موجب اربع جي صبح اولهه ترڪيه ۾ باليڪيسر صوبي مان اڏام ڀرڻ کانپوءِ جهاز جو ريڊار سان رابطو ڪٽجي ويو ۽ اهو هاءِ وي تي ڪري تباهه ٿي ويو.
ترڪ بچاءَ واري وزارت ٻڌايو ته اطلاع ملندي ئي سرچ اينڊ ريسڪيو آپريشن شروع ڪيو ويو ۽ هاءِ وي ڀرسان جهاز جو ملبو هٿ ڪيو ويو، حادثي ۾ پائلٽ ميجر ابراهيم بولات فوت ٿي ويو.
بچاءَ واري وزارت حادثي جا سبب ڄاڻڻ لاءِ خاص جاچ ڪميشن قائم ڪئي آهي.
