ڪراچي(عوامي آواز نيوز) پاڪستان ۾ عام ماڻهو تي اقتصادي دٻاءُ هر سال وڌي رهيو آهي. ڏهه سال اڳ، هڪ عام پاڪستاني پنهنجي آمدني جو تقريباً 43 سيڪڙو حصو خوراڪ تي خرچ ڪندو هو.هاڻي، اهو 37 سيڪڙو تائين اچي ويو آهي، پر مسئلو صرف تناسب جو ناهي. خوراڪ جا اگهه به وڌي چڪا آهن، تنهنڪري ساڳيو 37 سيڪڙوپڻ گهٽ خوراڪ ڏئي رهيو آهي،هر پاڪستاني جي گهرن جو تقريباً 25 سيڪڙو بجيٽ صرف بجلي ۽ گئس تي خرچ ٿي رهي آهي،ناڻي واري اڳوڻي صلاحڪار مزمل اسلم لکيو ته ڪجهه صحافي، جيڪي عمران خان سان بغض رکندا آهن، اسٽاڪ مارڪيٽ جي اوچتو ڪرڻ جو الزام صرف عمران خان جي بيماري تي لڳائيندا رهيا.جڏهن مارڪيٽ اوچتو 5500 پوائنٽ وڌي وئي، ته انهن چيو ته اهو خيبر پختونخوا جي روڊن ۽ ڌرڻا ختم ٿيڻ سبب آهي.هاڻي جڏهن مارڪيٽ 6500 پوائنٽ گهٽجي وئي آهي، ته اهي صحافي خاموش آهن. اسد ناصر ٽوئيٽ ڪيو آهي ته تازه ترين سروي مطابق، گذريل ٽن مهينن ۾ 3 ڪروڙ ماڻهو غربت جي لڪير هيٺ اچي چڪا آهن.هي انگ اکر معاشي بدحالي، قيمتن ۾ اضافو، روزگار جي گهٽتائي ۽ بنيادي سهولتن جي دستيابي جي کوٽ جو ثبوت آهي.خوراڪ، تعليم، صحت ۽ روزگار سڀ متاثر ٿي رهيا آهن.
