برسبين (ويب ڊيسڪ) بِگ بيش ليگ جي 13 هين ميچ ۾ شاهين آفريدي جي برسبين هيٽ، حسن علي جي ايڊيليڊ اسٽرائيڪرز کي سخت مقابلي کانپوءِ ستن رنسن جي فرق سان شڪست ڏئي ڇڏي.
برسبين ۾ کيڏيل ميچ ۾ ايڊيليڊ اسٽرائيڪرز ٽاس کٽي پهريان بالنگ جو فيصلو ڪيو.
برسبين پهرين کيڏندي مقرر اوورن ۾ 9 وڪيٽن جي نقصان تي 179 رنسون ٺاهيون، ميڪس برائنٽ 63 ۽ ميٽ رنشا 33 رنسون ٺاهيون.
ايڊيليڊ اسٽرائيڪرز جي ميٿيو شارٽ، حسن علي ۽ ليوڪ ووڊ 2،2 وڪيٽون ورتيون.
جواب ۾ ايڊيليڊ اسٽرائيڪرز جي ٽيم آخري اوور ۾ 172 رنس تي آئوٽ ٿي وئي ۽ ستن رنسن جي فرق سان ميچ هارائي وئي، ميٿيو شارٽ بالنگ کانپوءِ بيٽنگ ۾ به 63 رنسن جي اننگز کيڏي، جڏهن ته جيرسس واڊيا 34 رنسون ٺاهڻ باوجود پنهنجي ٽيم کي ڪاميابي نه ڏياري سگهيو.
برسبين هيٽ جي زاويئر بريٽلٽ 3، جيڪ ويلڊرمٿ ۽ ٿامس بلڪن 2،2 وڪيٽون حاصل ڪيون.
ميچ دوران شاهين آفريدي پير ۾ تڪليف سبب پنهنجي ڪوٽا جا اوورز مڪمل ڪرڻ کانسواءِ ميدان کان ٻاهر هليو ويو.
برسبين هيٽ جي زاويئر بريٽلٽ کي پليئر آف دي ميچ قرار ڏنو ويو
