لاهور (ويب ڊيسڪ) پاڪستان ڪرڪيٽ بورڊ ٽي ٽوئنٽي ورلڊ ڪپ کان اڳ گرين شرٽس جي سريلنڪا دوري جو شيڊيول جاري ڪري ڇڏيو.
پي سي بي موجب، پاڪستان ڪرڪيٽ ٽيم جنوري ۾ ٽن ٽي ٽوئنٽي ميچن جي سيريز کيڏڻ لاءِ سريلنڪا جو دورو ڪندي.
سيريز جون ٽي ميچون ڊمبولا ڪرڪيٽ اسٽيڊيم ۾ 7، 9 ۽ 11 جنوري تي کيڏيون وينديون.
واضح رهي ته اهو دورو ٽي ٽوئنٽي ورلڊ ڪپ 2026 جي تياري لاءِ اهم آهي، عالمي ڪپ 7 فيبروري کان 8 مارچ تائين کيڏيو ويندو.
پاڪستاني ٽيم ٽي ٽوئنٽي عالمي ڪپ ۾ پنهنجون ميچون ڪولمبو ۾ کيڏندي.
