لاهور (بيورو) سسٽين ايبل سوشل ڊولپمينٽ آرگنائيزيشن جي رپورٽ موجب، ملڪ ۾ هن سال جنوري کان جون تائين عورتن جي ريپ، اغوا ۽ ٻين قسم جي تشدد جا 20,698 واقعا رپورٽ ٿيا آهن، جنهن ۾ صوبن جي لحاظ سان پنجاب پهرين نمبر تي آهي، رپورٽ ۾ ڄاڻايو ويو آهي ته جنوري کان جون 2025 تائين پنجاب ۾ 15,376 واقعا پيش آيا، سنڌ ۾ 3,709 واقعا رپورٽ ٿيا، خيبر پختونخوا ۾ 875 واقعا پيش آيا، اسلام آباد ۾ 423 واقعا پيش آيا، بلوچستان ۾ 315 واقعا رپورٽ ٿيا، رپورٽ موجب ريپ، اغوا، عزت جي نالي تي قتل ۽ هراسمينٽ جا واقعا پڻ شامل آهن، ايس ايس ڊي او جي رپورٽ موجب ملڪ ۾ عورتن تي تشدد جا ڪيسن ۾ سزا ڏيڻ جي شرح تمام گهٽ رهي، خيبر پختونخوا ۽ اسلام آباد ۾ ڪا به سزا نه ڏني وئي، رپورٽ ۾ زور ڏنو ويو ته موثر انصاف لاءِ تحقيقاتي عمل ۽ پراسڪيشن مضبوط ڪرڻ جي ضرورت آهي ۽ متاثر عورتن لاءِ بروقت جاچ ۽ محفوظ ماحول مهيا ڪرڻ جي سفارش ڪئي وئي آهي.
