ڪراچي (رپورٽر) سنڌ جو نعرو ڪرپشن کان ڇوٽڪارو، عوامي آواز ميڊيا گروپ هر سال جيان هن سال به 7 ڊسمبر تي ثقافتي ڏهاڙو جوش ۽ جذبي سان ملهائي رهيو آهي، عوامي آواز هميشه سنڌ جي غريب عوام ۽ پيڙهيل طبقن جي نمائندگي ڪندي سندن آواز بڻجڻ جي هڪ مثالي روايت قائم ڪئي آهي، بدقسمتي سان سنڌ هن وقت ڪرپشن جي وڌندڙ رجحان، خراب حڪمراني ۽ بدانتظاميه سبب شديد مسئلن جو شڪار آهي،جنهن جي نتيجي ۾ عوام انصاف، صحت، تعليم ۽ روزگار جهڙن بنيادي حقن به محروم ٿيندو پيو وڃي، اڄ سنڌ جي بقا، ترقي ۽ عوامي مفاد انهي ۾ آهن ته شعبن کي ڪرپشن کان پاڪ ڪيو وڃي، نظام کي شفاف بڻايو وڃي ۽ عوام کي اهي حق ڏنا وڃن جن جا هو حقدار آهن.
