ڪراچي (عوامي آواز رپورٽ) صحافي فيصل حسين جي پوڊ ڪاسٽ ۾ سوالن جا جواب ڏيندي، سياسي اڳواڻ نبيل گبول دعوائون ڪيون آهن. هن چيو آهي ته ڪراچي ايئرپورٽ ان جي ڏاڏي جي زمين تي قائم آهي، ۽ ملير ڪينٽ ان جي خاندان جي ملڪيت ناهي. هن چيو ته سندس ڏاڏي 1920 ۾ ڪراچي ۾ زمين خريد ڪئي هئي ۽ ان وقت ڪراچي هڪ ننڍڙو شهر هو. نبيل گبول پنهنجي ڳالھين ۾ چيو، پڙ ڏاڏو ٻوري ۾ پيسا کڻي ڦاٽل ڪپڙن ۾ نڪرندو هو. هن ڪراچي ۾ 70 سيڪڙو زمين خريد ڪئي. ان ۾ ايئرپورٽ، ڪورنگي، نپيا روڊ، لي مارڪيٽ ۽ هاڪس بي شامل آهن. جڏهن ان کان ملير ڪينٽ بابت سوال ڪيو ويو، ته گبول صاف چيو، ملير ڪينٽ اسان جو ناهي. گبول وڌيڪ ٻڌايو ته جڏهن ڪنهن ان کان ڪراچي ايئرپورٽ جو نالو گبول انٽرنيشنل ايئرپورٽ رکڻ جي تجويز ڏني، ته هن جواب ۾ چيو ته ڇا مان قائداعظم جو نالو تبديل ڪريان؟ اهو مناسب ناهي. گبول نواز شريف بابت پڻ ڳالهايو ۽ چيو، نواز شريف کي هڪ هفتو ته خبر ئي نه هئي ته ڇا ٿي رهيو آهي. هاڻي جيئن ته هو سمجهي چڪو آهي، ملڪ ڇڏي هليو ويو، ۽ چوي ٿو مان شريف ماڻهو آهيان، منهنجي ڀاءُ جي مون کي خبر ناهي. تنهن کان پوءِ، نبيل گبول چيو ته شهباز شريف کي ٽرمپ ڪيئن ڦاسايو ته تقرير ڪريو. اسان جي ملڪ ۾ صلاحيت خوشامد کي ئي چئبو آهي. گبول شهباز شريف جي صلاحيتن بابت چيو ته شهباز شريف جي ٻڌڻ واري سگهه سٺي آهي، ۽ هو هميشه ڪنڌ لوڏي جيءُ جيءُ چوندو آهي. نبيل گبول عزير بلوچ بابت پڻ ڳالهائيندي چيو ته عزير بلوچ ڏوهن جي دنيا ۾ نه هو، ۽ منهنجي حياتي کي ايم ڪيو ايم مان خطرو هو، منهنجي لاءِ سائوٿ آفريڪا مان ٽيم گهرائي وئي هئي.
