ملتان (ويب ڊيسڪ) جمعيت علماءِ اسلام جي سربراهه مولانا فضل الرحمان هڪ ڀيرو ٻيهر پنجاب حڪومت طرفان پيش امامن کي وظيفو ڏيڻ جي قدمن تي سخت اعتراض واري ڇڏيو.
ملتان ۾ علما ڪنوينشن کي خطاب ڪندي مولانا فضل الرحمان چيو ته پاڪستان اسلام جي نالي تي وجود ۾ آيو ۽ ننڍي کنڊ جي مسلمانن ان لاءِ وڏيون قربانيون ڏنيون آهن.
هن الزام هنيو ته مدرسن جي ڪردار کي ڪمزور ڪرڻ جي ڪوشش ڪئي پئي وڃي ۽ اسان کي هر هر قومي ڌارا ۾ شامل ٿيڻ جو چيو پيو وڃي.
سندس موجب حڪومت چئي ٿي ته اسان عالمن کي 25 هزار رپيا وظيفو ڏيڻ چاهيون ٿا پر سوال اهو آهي ته ڪهڙي مد ۾ اها رقم ڏني پئي وڃي، ڇا توهان ضمير خريدڻ جي ڪوشش ڪري رهيا آهيون؟ حڪومتي حلقن طرفان سعودي عرب ۽ گڏيل عرب امارتن جا مثال ڏنا ويندا آهن ته پوءِ اهو ئي نظام مڪمل طور تي لاڳو ڪيو وڃي.
فضل الرحمان چيو ته فورٿ شيڊيول ۾ شامل ڪرڻ جون ڌمڪيون ڏنيون وينديون آهن پر نٿا ڊڄون، کڏ ۾ وڃي پئي فورٿ شيڊيول.
