ڪراچي (ويب ڊيسڪ) سنڌ حڪومت ۽ پوليس موجب صحافي امتياز مير جي قتل ڪيس ۾ هڪ ڪالعدم تنظيم سان واسطو رکندڙ 4 ڄڻن کي گرفتار ڪيو ويو آهي.
صوبائي گهرو وزير ضياءُ الحسن لنجار، آءِ جي غلام نبي ميمڻ ۽ ايڊيشنل آءِ جي جاويد عالم اوڍي اڄ امتياز مير قتل ڪيس ۾ اڳڀرائي تي گڏيل پريس ڪانفرنس ڪئي.
ضياءُ الحسن لنجار چيو ته صحافي امتياز مير جي قتل ۾ ملوث 4 ڄڻن کي گرفتار ڪيو ويو آهي، اها ڪارروائي پوليس ۽ وفاقي جاچ اداري گڏيل طور ڪئي، جوابدار هڪ ڪالعدم تنظيم سان واسطو رکن ٿا، جيڪي ٻاهرئين ملڪ مان هدايتون حاصل ڪندا هئا.
هن ان اڳڀرائي کي هاڪاري قرار ڏنو ۽ چيو ته حملي ۾ استعمال ٿيل موٽر سائيڪل به برآمد ڪئي وئي آهي.
واضح رهي ته اينڪر پرسن امتياز مير کي گذريل مهيني موٽر سائيڪل سوارن گوليون هڻي قتل ڪيو هو.
