ٻوڏ تباهي مچائي ڇڏي، ڊي جي آءِ ايس پي آر جي هنگامي پريس ڪانفرنس، قوم سان گڏ آهيون: پاڪ فوج

اسلام آباد (ويب ڊيسڪ) ڊي جي آءِ ايس پي آر ليفٽيننٽ جنرل احمد شريف چوڌري چيو آهي ته هن وقت ملڪ جي ٽن درياهن ۾ ٻوڏ جي صورتحال آهي.
سڌ سماءَ واري وفاقي وزير عطاءُ الله تارڙ ۽ اين ڊي ايم اي چيئرمين ليفٽيننٽ جنرل انعام حيدر سان ملڪ پريس ڪانفرنس ڪندي ڊي جي آءِ ايس پي آر چيو ته پاڪ فوج جا جوان ۽ آفيسر هن ڏکئي وقت ۾ قوم سان گڏ بيٺا آهن، فيلڊ مارشل جي هدايت تي پاڪ فوج سڀني متاثر علائقن ۾ ريسڪيو سرگرمين ۾ مصروف آهي.
هن چيو ته ڪرتارپور ۾ ٻيڙين ذريعي ريسڪيو آپريشن جاري آهي، قراقرم هاءِ وي کي کوليو ويو آهي.