ڪراچي(رپورٽر) سنڌ حڪومت خيبرپختونخوا جي سيلاب متاثرن جي مدد لاءِ قدم کنيو آهي، نجي ٽي وي موجب سنڌ جي وزيراعليٰ سيد مراد علي شاهه خيبرپختونخوا حڪومت سان رابطو ڪيو ۽ حڪم ڏنو ته ضرورت موجب واٽر فلٽريشن پلانٽ متاثرعلائقن ڏانهن روانو ڪيو وڃي، وزيراعليٰ سنڌ 10 ٽرڪ راشن بيگز ۽ ٻين خوراڪ جي شين کي به فوري طور تي خيبرپختونخوا موڪلڻ جي هدايت ڪئي آهي، مراد علي شاهه چيو ته سنڌ حڪومت مشڪل گھڙي ۾ خيبرپختونخوا جي سيلاب متاثر ڀائرن سان گڏ بيٺل آهي.
