نئين دهلي (ويب ڊيسڪ) ڀارت ۾ بيهوش عورت کي اسپتال منتقل ڪندي ايمبولينس ۾ مبينا طور اجتماعي لڄالٽ جو نشانو بڻايو ويو.
پرڏيهي ميڊيا موجب بهار رياست جي ڳوٺ بوڌگيا ۾ پوليس ۾ ڀرتي لاءِ ٽيسٽ رٿي وئي، جتي ٽيسٽ لاءِ ڊوڙ ۾ شريڪ 26 ورهين جي عورت اميدوار بيهوش ٿي وئي، جنهن کي طبي امداد لاءِ اسپتال روانو ويو.
اسپتال ويندي عورت کي ڊرائيور ۽ ٽيڪنيشن مبينا طور اجتماعي لڄالٽ جو نشانو بڻايو.
عورت جي گهر ڀاتين پوليس وٽ شڪايت داخل ڪرائي ته ڀرتي لاءِ عورت اميدوارن جي اچڻ باوجود ايمبولينس ۾ عملي جي ڪا عورت موجود نه هئي.
پوليس واقعي کانپوءِ جوابدارن جي سڃاڻپ ڪري کين گرفتار ڪري ورتو، جڏهن ته عورت به بيان به قلمبند ڪيو ويو آهي.
