تل ابيب (ويب ڊيسڪ) اسرائيل جي بچاءَ واري وزير اسرائيل ڪاٽس هڪ ڀيرو ٻيهر ايراني سپريم ليڊر آيت الله علي خامنه اي کي سڌي ريت ڌمڪي ڏئي ڇڏي.
اسرائيل ڪاٽس چيو آهي ته جيڪڏهن ايران اسرائيل کي ٻيهر ڌمڪائڻ جي ڪوشش ڪئي ته تهران تي ٻيهر حملا ٿيندا ۽ هن ڀيري نشانو خامنه اي هوندو.
هن چيو ته مان خامنه اي کي واضح پيغام ڏيڻ چاهيان ٿو ته جيڪڏهن هن اسرائيل کي ڌمڪائڻ جاري رکيو ته اسرائيل جا ڊگها هٿ شدت سان تهران ۽ توهان تائين پهچندا.
