تل ابيب (ويب ڊيسڪ) اسرائيلي وزيراعظم بينيامن نتنياهو اعلان ڪيو آهي ته اسرائيل غزه کي مڪمل طور پنهنجي ڪنٽرول هيٺ آڻي اِهو يقيني بڻائيندو ته غزه ۾ ايندڙ امداد حماس جي هٿ نه لڳي.
ٽيلگرام تي پوسٽ ڪيل پنهنجي وڊيو ۾ نتنياهو چيو ته اسرائيل غزه تي مڪمل ڪنٽرول حاصل ڪندو ۽ اِهو يقيني بڻائيندو ته غزه ايندڙ امداد حماس جي هٿ نه چڙهي.
ان کان اڳ اسرائيلي حڪومت اعلان ڪيو هو ته هو غزه ۾ بنيادي خوراڪ جي فراهمي جي اجازت ڏيندو، جڏھن ته اسرائيل 11 هفتن کان غزه ۾ خوراڪ جي فراهمي بند ڪري ڇڏي آهي.
ٻئي پاسي، اسرائيلي فوج فلسطيني شهرين کي خان يونس، بني سهيلا ۽ عبسان مان ترت نڪرڻ جو حڪم ڏئي ڇڏيو آهي.
