جڏهن گرميءَ ۽ اُس برداشت کان چڙهي وڃن، تڏهن هڪ ٿڌو گلاس گدامڙي ۽ الوبخارن جو شربت ئي اڃ لاهي سگهي ٿو. سو اهڙي اڃ جيڪا نه رڳو توهان جي اندر پر روح کي ٿڌاڻ پهچائيندا.
گدامڙي ۽ الوبخارن جي شربت جا ڪيترائي فائدا آهن، جيڪي ان کي اونهاري جو بهترين شربت بڻائين ٿا.
گدامڙي ۽ الوبخارن جي ٿڌي خاصيت گرمي کي مات ڏئي ٿي ۽ جسم کي ٿڌو رکڻ ۾ مدد ڪري ٿي. گرميءَ ۾ پگهر اچڻ ڪري پاڻي جي کوٽ ٿيندي آهي ۽ هي شربت اها کوٽ پوري ڪري ٿو.
گدامڙي ۽ الوبخارا ٻنهي ۾ فائبر هوندو آهي، جيڪو هاضمي لاءِ فائديمند آهي ۽ گرميءَ ۾ قبضي جهڙي تڪليف کان بچائيندو آهي.
گدامڙي وٽامن سي، پوٽاشيم ۽ ميگنيشيم مهيا ڪري ٿي، جڏهن ته الوبخارا وٽامنز ۽ فائبر سان ڀرپور هوندا آهن. اهي غذائي جزا پگهر سان وڃايل اليڪٽرولائٽس جي کوٽ کي پورو ڪرڻ ۾ مدد ڏين ٿا.
گدامڙي ۽ الوبخارن ۾ اينٽي آڪسيڊنٽس به هوندا آهن، جيڪي بيمارين کان بچاءُ فراهم ڪن ٿا.
گدامڙي ڪوليسٽرول گهٽ ڪري دل جي ڪارڪردگي بهتر بڻائي ٿي. وٽامنز ۽ منرلز سان ڀرپور، گدامڙي جسم کي بيمارين کان بچائيندي آهي، چرٻي کي ڳاري وزن گهٽائڻ ۾ مدد ڪري ٿي.
گدامڙي جگر کي به صاف ڪري ان جي ڪارڪردگي بهتر بڻائي ٿي. الوبخارا چمڙي جي خوبصورتي وڌائن ٿا، ان ۾ موجود اينٽي آڪسيڊنٽس جلد کي غذا ڏين ٿا ۽ انفيڪشن کان بچائين ٿا.
هي شربت وٽامن اي سان ڀرپور هئڻ ڪري اکين جي صحت لاءِ فائديمند آهي، ۽ ان ۾ موجود پوٽاشيم ۽ ميگنيشيم هڏين کي مضبوط ڪن ٿا.
شربت ٺاهڻ لاءِ گهربل شيون:
- گدامڙي: اڌ ڪوپ
- الوبخارا (سڪا): هڪ ڪوپ
- کنڊ: اڌ ڪوپ
- ڪارو لوڻ: اڌ چمچو
- برف، تخم ملنگا ۽ پاڻي: پنهنجي ضرورت مطابق
طريقو:
گدامڙي ۽ الوبخارن کي الڳ الڳ هڪ ڪوپ پاڻي ۾ سڄي رات پسائي رکو.
صبح ان مان ٻج ڪڍي انهن کي بلينڊ ڪريو.
پوءِ ان گودي کي ٻه ڪوپ پاڻي ۽ کنڊ سان گڏ پنج منٽ تائين اُٻاريو.
هاڻي ان ۾ برف، ڪارو لوڻ وجهي بلينڊ ڪريو ۽ ٿڌو ڪرڻ لاءِ فريج ۾ رکو.
آخر ۾ تخم ملنگا وجهي پيش ڪيو.
