پارا چنار (ويب ڊيسڪ) پارا چنار ۾ منشيات جي عادي هڪ شخص معمولي تڪرار تي ساٿين تي دستي بم سان حملو ڪري ڏنو، جنهن جي نتيجي ۾ 3 ڄڻا مارجي ويا ۽ هڪ زخمي ٿي پيو.
طوري قبرستان جي علائقي ۾ تعمير ٿيندڙ گهر ۾ واقعو پيش آيو، پوليس موجب دستي بم ڦاٽن سان 3 ڄڻا مارجي ويا ۽ هڪ شخص زخمي ٿي پيو.
پوليس ٻڌايو ته ڌماڪي ۾ منشيات جا عادي ماڻهو متاثر ٿيا، تعمير هيٺ عمارت ۾ موجود ماڻهو منشيات جا عادي هئا ۽ پاڻ ۾ معمولي تڪرار تي هڪ شخص ٻين تي دستي بم سان حملو ڪري ڏنو.
پوليس موجب واقعي واري هنڌان شباب نالي نوجوان کي گرفتار ڪيو ويو آهي.
