حيدرآباد(پ ر) قومي عوامي تحريڪ جي سربراھ اياز لطيف پليجي چيو آھي ته سنڌ جو پاڻي بند ڪري ٺٽو، سجاول، بدين، ٽنڊو محمد خان سميت سنڌ جي 19 ضلعن ۾ ھٿرادو ڏڪار آندو ويو آھي. بلاول کي وزيراعظم بنائڻ جو آسرو ڏئي چولستان ۾ ڪئنال ٺاھيو پيو وڃي ۽ سنڌ جي لکين ايڪڙ زمين تي قبضا ڪيا پيا وڃن،هن چيو ته اسين مفتوحه علائقو ناھيون، اوھان جي ڪالوني ناھيون، اسين جلسن، جلوسن، ريلين ۽ ڌرڻن سان گڏ دليلن، قانونن ۽ انگن اکرن ۾ به اوھان کي غلط ۽ غاصب ثابت ڪنداسين،هن چيو ته سڄي ۾ فصلن لاءِ پاڻي ناھي،شھباز ۽ زرداري جي گڏيل حڪومت جو سنڌ سان دشمني وارو رويو آھي.
