بنون (م ڊ) پوليس بنون ۾ سوشل ميڊيا تي عالم اسلام خلاف نامناسب وڊيو اپ لوڊ ڪرڻ تي هڪ شهري خلاف پيڪا جي لاڳاپيل شقن تحت ڪيس داخل ڪري ورتو آهي، پوليس اختيارين جو چوڻ آهي ته ماماش خيل جي رهواسي ابرار هڪ وڊيو سوشل ميڊيا تي اپ لوڊ ڪئي، جنهن ۾ هن رمضان المبارڪ جو چنڊ نظر نه اچڻ تي عالمن خلاف نازيبا ٻولي ڳالهائي، مولانا عبدالغفار قريشي اهو معاملو صدر پوليس جي نوٽيس ۾ آندو، جنهن تي قانوني ڪارروائي شروع ڪئي وئي، ايف آءِ آر ۾ شڪايت ڪندڙ مولانا عبدالغفار قريشي پوليس کي ٻڌايو ته ابرار رمضان المبارڪ جو چنڊ نظر نه اچڻ تي عالمن جي مذمت ڪئي هئي، هن دعويٰ ڪئي ته جوابدار کي ٻڌي سگهجي ٿو ته چنڊ 2 ڏينهن جو آهي، بنون سميت ملڪ جي عالمن اسان کي پهرين روزي کان محروم ڪري ڇڏيو آهي، مولانا عبدالغفار الزام هنيو ته وڊيو ٺاهيندڙ اسلام ۽ علمائن جي توهين ڪئي آهي، پوليس جو چوڻ آهي ته پيڪا جي شق 11 تحت ڪيس داخل ڪري واقعي جي وڌيڪ جاچ ڪئي پئي وڃي.
