ماسڪو (ويب ڊيسڪ) روس ڀارت کي جديد ففٿ جنريشن ويڙهاڪ جهاز فراهم ڪرڻ جي آڇ ڪري ڇڏي.
پرڏيهي ميڊيا موجب روسي ۽ ڀارتي اختيارين گذريل ڏينهن ٻڌايو ته روس طرفان ڀارتي فضائيا لاءِ جديد ففٿ جنريشن ويڙهاڪ جهاز ايس يو 57 ڀارت ۾ ئي تيار ڪرڻ جي آڇ ڪئي وئي آهي.
هٿيار برآمد ڪندڙ روس جي سرڪاري اداري روسو بورون ايڪسپورٽ جي ترجمان موجب جيڪڏهن ڀارت اها آڇ قبول ڪري ٿو ته ڀارت ۾ جهازن جي تياري هلندڙ سال کان ئي شروع ٿي سگهي ٿي.
ڀارتي بچاءَ واري وزارت فوري طور تي ان حوالي سان ڪو ردعمل ناهي ڏنو.
