صحت الله تعاليٰ جو وڏو تحفو ۽ نعمت آهي. صحت هوندي ته باقي جهان به ڪم جو هوندو، صحت نه هوندي ته باقي دنيا به ڪنهن ڪم جي ناهي.
ڌرتي تي ڪو به ماڻهو موجود نه هوندو جيڪو صحتمند رهڻ نه چاهيندو هجي، پر تنهن باوجود به لاپرواهي، طرز زندگي مٽائيندڙ مجبوريون، ناقص کاڌ خوراڪ ۽ ٻين مسئلن جي ڪري ڪنهن به مرض ۾ مبتلا ٿيڻ فطري عمل آهي.
اڄ اسان اوهان کي صحت جي ڇهه اهڙن رازن بابت ٻڌائينداسين جيڪي اوهان اڳ ۾ شايد نه ٻڌا هجن، انهن تي عمل ڪري سولائيءَ سان مڪمل صحتمند ۽ خوشگوار زندگي گذاري سگهجي ٿي.
جيڪڏهن موسم يا ڪنهن ٻي سبب جي ڪري ڇهن ئي ڳالهين تي عمل نه ٿي سگهي ته ڇهن کان گهٽ يا صفا نه ته گهٽ ۾ گهٽ هڪ ئي عمل ڪجي ته اهو به وڏو فائديمند ثابت ٿيندو.
بنا دير جي اوهانکي ٻڌايون ٿا اهي ڇهه راز ڪهڙا آهن.
جيڪڏهن توهان روز چار بادام کائيندا ته توهان کي ڪڏهن به ڪينسر نه ٿيندي، بادام هونئن به دماغ، اکين جي روشني ۽ ٻي صحت لاءِ فائديمند آهن.
رڳو هڪ صوف روز کاڌو ته ڪنهن به مسئلي جي ڪري ڪڏهن به ڊاڪٽر ڏي نه وڃڻو پوندو، آئرن جي کوٽ ڪڏهن نه ٿيندي ۽ توهان صحتمند رهندا.
روز نيراني چار ڪتل جون ڳڙيون کائڻ سان ڪڏهن به ڪا به جسماني ڪمزوري نه ٿيندي. ڪتل پوٽاشيم ۽ طاقت جو بهترين ذريعو آهي.
روز هڪ گلاس کير پيئڻ سان هڏا مضبوط رهندا آهن ۽ سنڌن جو سور ڪڏهن به ناهي ٿيندو، کير ۾ نظر سميت صحت جا ٻيا فائدا به موجود آهن.
روز اٺ گلاس پاڻي پيئڻ سان ڪڏهن به جسم ۾ خشڪي نه ٿيندي، گردن جا مسئلا ڪڏهن به نه ٿيندا، پيٽ جا اندريان عضوا به مڪمل طور تي صحتمند رهندا.
هڪ يا انکان گهٽ ليمو روز کائڻ سان جسم ۾ واڌو چرٻي ڪڏهن به پيدا نه ٿيندي ۽ وزن برقرار رهندو. هتي اها ڳالهه ضروري آهي ته مختلف ماڻهن لاءِ ليمي جو لڳاتار استعمال مختلف مسئلن جو سبب بڻجي سگهي ٿو، جڏهن ته بلڊ پريشر واري ماڻهن کي ليمي کائڻ کان پرهيز ڪرڻ گهرجي.
