اسلام آباد (ويب ڊيسڪ) تحريڪ انصاف چيئرمين بيرسٽر گوهر چيو آهي ته پي ٽي آءِ باني عمران خان ڪا ڊيل ڪئي نه ئي ڪندو.
هڪ بيان ۾ بيرسٽر گوهر چيو ته پي ٽي آءِ باني قانوني طريقي سان عدالتن مان رليف حاصل ڪندو، ان حوالي سان آمريڪا سميت اسان ڪنهن ملڪ جا طلبگار ناهيون، عمران خان چيو هو ته ڊيل لاءِ نه پر پاڪستان ۽ جمهوريت لاءِ ڳالهيون ڪري رهيا آهيون.
سندس چوڻ هو ته اڄ سڄي ملڪ ۾ پي ٽي آءِ جا ڪارڪن ۽ ماڻهو احتجاج لاءِ نڪتا آهن.
