حيدرآباد (م ڊ) پيپلزپارٽي اڳواڻ عاجز ڌامراهه ڳالهين لاءِ وڪيلن جي ڌرڻي ۾ پهتو. عاجز ڌامراهه کي ڏسي وڪيلن نعريبازي ڪئي ۽ لالي پاپ نامنظور جا نعرا هنيا. عاجز ڌامراهه به وڪيلن کي نعرن جو جواب ڏيندي نظر آيو ۽ نامنظور چوندي ڏٺو ويو. وڪيل اڳواڻ اياز تنيو چيو ته ايس ايس پي حيدرآباد کي هٽايو وڃي ته ڌرڻو ختم ڪنداسين. ٽريفڪ ۾ ڦاٿل مسافرن ڪو ڏوهه ناهي ڪيو. حڪومت کي سوچڻ گهرجي. هاءِ ڪورٽ بار جي صدر چيو ته مطالبو تسليم نه ٿيو ته ڳالهه وڌي ويندي. عاجز ڌامراهه چيو ته هو مطالبو حڪومت تائين پهچائيندو.
